由MIRROR「鷹小組」陳卓賢（Ian）、柳應廷（Jer）、邱士縉（Stanley）及邱傲然（Tiger）擔任主持的ViuTV節目《四鏡大暴走》，今晚（3日）播出最後一集，四子跟隨本地龍獅團陳國健師傅，親身學習華人傳統表演藝術舞獅，為節目畫下熱鬧又有文化意義的句號。
曾學過功夫的Tiger，接觸舞獅便迅速上手，甚至在師傅正式教導前，已懂得如何控制獅頭動作，舞起來有板有眼，連陳師傅亦忍不住大讚：「犀利喎！完全係有神韻呀！」而Ian則分享自己小學時曾有半個學期參加舞獅課外活動，當他再次拿起獅頭時，突然毫無預警地令獅頭大力眨眼，嚇得陳師傅和Jer即時一跳，Stanley更笑言：「佢簡直好似上身咁呀嗰下。」
陳師傅亦留意到Ian音樂細胞與節奏感出眾，於是將舞獅中極為重要的打鼓重任交由Ian負責。至於應師傅要求舉起獅頭展示氣勢的Jer，則直言獅頭「好重」，相反手瓜起腱的Stanley不但舞起獅尾時活靈活現，就連嘗試舞獅頭亦獲陳師傅稱讚「有料到」。不過過程中亦發生小插曲，Stanley因誤踩獅尾而跣倒在地，Ian見狀即忍不住大笑，Stanley則打趣表示，跌倒主因是拍檔Tiger沒有幫他托好獅尾。
回顧整個拍攝旅程，Tiger感恩能與Stanley一同走訪兩個離島：「去過先知香港有好多有心人，佢哋想保留呢片地方嘅精神同意義，透過搞活動希望更多人關注，令啲文化唔會失傳。」Stanley亦有感而發，指Tiger比以往開朗不少：「以前覺得佢喺鏡頭前未必會分享咁多，但可能呢幾年成長咗，好似將佢另一面打開咗。」
而Jer則表示最開心的是能在節目中一次過體驗多種文化，並感嘆香港文化背後的付出：「其實香港嘅一啲文化，係有好多唔同人喺背後用咗好多心機同時間。」
