《中年好聲音4》昨晚（2日）播映「10強累積排名分」第三回合「突破之夜」，林志美做嘉賓評審，李思捷與著名時裝設計師何國鉦任「知音人」。賽果如下：吳亦偉《決戰二世祖》92分、尹景順《陀飛輪》95分、許雲妮《餓狼傳說》90分、蔡宓婕《上海灘》91分、鄭仲豪《想你》90分、許美琪《給愛麗斯》91分、尤淑情《瘋了》93分、鄭家聲《愛是懷疑》94分、陳旭培《情非得已》89分、周志康《獨家試唱》93分。
周志康以黑超皮褸造型Chok爆登場，勁歌熱舞演繹鄭秀文名曲《獨家試唱》，期間施展腳控Mic Stand技巧，以及唱畢脫去外套晒強勁臂彎，引爆全場歡呼聲，海兒頻頻瘋狂尖叫，車婉婉更打趣指志康的眼神猛烈得「好似要吞咗肥媽」，何國鉦笑言要頒「最佳衣著獎」給他。李思捷讚志康與Mic Stand的13秒互動很精彩，「好似睇緊鋼管舞，揮灑自如。」張佳添讚演出型爆：「你絕對可以做到『實偶派』，實力偶像！」更笑說：「結咗婚嘅男人唔可以咁型㗎，你老婆會好冇安全感㗎 ！」
最終志康憑破格表現奪得93分，更首次贏得MVP。他感性說：「多謝呢個主題，令到我唔可以唔突破，因為我唔係一個鍾意突破嘅人。我唔係鍾意舒服，但係我會擔心，呢個係我性格。」同時不忘冧爆感謝到場支持的太太：「佢係我屋企嘅MVP，打點得屋企好好，佢係一個最好嘅太太，最好嘅媽媽」。
節目播出後，志康在社交平台發帖，從上載的不同片段中所見，志康反覆練習腳控Mic Stand時，由一開始經常失手，然後慢慢熟練，但到綵排時，仍有失手情況，所幸的是到正式演出時能成功過關。
陳旭培帶病上陣，在氣息不足下難以發揮應有水準，成全晚最低89分，肥媽稱「The show must go on」，讚旭培在台上未有流露半點病態。周國豐則叫旭培要保重身體：「尤其去到呢個階段，當大家聲音都保持到，而你病咗嘅話，咁對你好不利。」事後旭培接受鄭衍峰訪問時表示，比賽前練習時非常順利，但正式演出卻失準，可能與自己未能處理壓力有關。他哽咽說：「呢個都係自己嘅責任，我最唔想嘅係支持我嘅人失望。」
更多圖輯：
部分圖片來源：周志康@instagram
