193（郭嘉駿，郭先生）與三位中學同學S.Ho、Ringo和Adam一齊做老闆，於紅磡開設日系咖啡店Tankuki Coffee，Cafe以狸貓作主題，193接受《明周》訪問時也戴上狸貓面具。「我係郭先生本身係朝九晚五的市民，放工就化身狸貓俠，我唔係拯救世界，純粹飲咖啡。」
四個相識十幾年的同學做生意，S.Ho和193負責設計、身兼香港咖啡師賽評判的Ringo負責管理咖啡和食物質素和有開拉麵和酒吧經驗的Adam負責營運，各司其職，不過合作起來難免會有意見分歧，S.Ho說:「大家都有自己堅持的point，什麽都可以拿出來傾，認識了這麼久都知道大家風格，所以溝通沒問題。」很多朋友都擔心合作做生意因財失義，郭先生卻冇有怕：「本身四個都有錢，有乜傾唔掂咪攞錢出嚟。」
有報道指因疫情所累，Cafe未開業先蝕20萬，郭先生說:「我哋投資了二百幾萬，因為裝條好貴，本身諗住攞少少錢做老闆，點知愈搞愈大，蝕錢？唔止蝕咁少。」S.Ho補充說：「我哋12月已經開始俾租，人照請，條數是這樣計出來，運輸出現問題，全部都是成本。」不過郭先生很有信心憑食物和咖啡質素可以成功突圍，不需要一年便可回本。
