由陳豪、張曦雯、馬貫東、丁子朗、劉佩玥等主演的劇集《俠醫》，自周一（1日）開播後好評不斷，網民等別喜歡劇集滲透出的濃濃港味。昨晚的一集，有「綠葉王」截耀明客串露宿者一角，與陳豪及張曦雯有對手戲。
雖然只有2分鐘戲，但劇組為戴耀明的花盡心思打造特別造型。戴耀明在社交網上載其造型片段，並受訪指當中很多細節位都非常認真，包括將假鬚修剪到參差不齊才似流浪漢，但整晚拍攝他被「滲」入鼻哥的碎鬚搞到好痕好痛苦。另外是他身上有二十多個水樽，內裏全是污水，更滲出陣陣臭味，令他更易投入角色。
笑言雖已一把年紀仍皮光肉滑的戴耀明，拍攝前一晚刻意不睡搞殘自己谷出眼袋去配合角色，他不忘大讚陳豪按摩手勢好，原本他沒睡覺攰到爆，但被陳豪按一按，即時成個人精神起來。不過當晚最難忘和尷尬，是要捉住張曦雯的小腿：「我投入到打燈同度機位都唔記得要放手，幸好張曦文很大方冇話我，但我自己就好唔好意思。」他又笑言張曦雯指他們撞髮型，十分搞笑。
