由周國豐、支嚳儀（支支）、黃劍文、顏米羔主持的無綫清談+音樂節目《今晚有歌廳》，今晚（28日）播出一集的嘉賓，是《超級巨聲》劉威煌及《中年好聲音2》冠軍古淖文；今集主題是「張國榮特輯」，演唱歌單為：《為妳鍾情》黃劍文、《玻璃之情》劉威煌、《追》古淖文、《春夏秋冬》劉威煌、《風繼續吹》劉威煌、古淖文、黃劍文、顏米羔、支嚳儀；古淖文更演唱張國榮在TVB首部劇集的同名主題曲《儂本多情》。
今集節目特別回顧哥哥在1984年《星光熠熠勁爭輝》中，一人分飾兩角，上演雌雄同體的「鴛鴦舞王」，前衛大膽的演出，成為經典之中的經典，可見哥哥對舞台和每一個細節的無限用心。說到哥哥對自己舞台的用心，周國豐憶述哥哥編排演唱會歌單的小心思，分享自己與哥哥傾偈時曾透露：「佢每一次度演唱會rundown未必會選擇好冷門嘅歌去唱，佢話計rundown嘅時候通常每20分鐘製造一個小高潮。」
黃劍文亦談到喜歡張國榮的原因源自一部電影，「我喜歡哥哥係因為佢《金枝玉葉》裏面嘅歌，我好鍾意有一幕就係《今生今世》兩公婆鬧交唱呢首歌自彈自唱同佢講道理。」顏米羔說：「我自己就係鍾意佢嗰個低音，去draw到我去聽佢嘅歌，聽其他人唱都唱唔到佢呢個味道。」周國豐形容哥哥的聲音感性又性感。顏米羔更分享有幸與哥哥見面，事緣他就讀香港演藝學院電影電視系時，到《異度空間》拍攝現場探班，「佢拍緊《異度空間》喺泳池嗰場，見過一次，雖然喺洗手間度。」他又感嘆：「打招呼好溫柔。」
周國豐聞言後即分享了自己與哥哥張國榮的難忘合作，特別提到哥哥在2000年自編自導《煙飛煙滅》時，展現出「三大勁位」—首先是「執行力勁」，「佢有好多idea喺個腦裏面，於是出現一個情況，凌晨點幾會打畀你諗到咩idea，之後朝頭早六點又打畀你，但係你唔可以唔聽佢電話囉。」他感嘆道：「諗完之後最勁係會立即執行。」第二是「準備功夫勁」，周國豐繼續分享：「佢每一場戲之前，會自己一個人去到嗰個場景度睇晒個場先，就調返轉頭話返畀工作人員聽嗰一場係點。」第三則是「人脈勁」，周國豐讚嘆電影中有很多強勁的演員陣容，例如葉德嫻、梅艷芳、莫文蔚、梁詠琪等等，「佢嗰一咋casting開會之後，我哋要唔使錢喎，公益片嚟㗎嘛，車馬費都冇㗎，哥哥聽完呢句之後，打咗大概六七個電話就confirm咗呢一咋casting。」
