《中年好聲音3之決戰大灣區》由車婉婉擔任主持，評審團有肥媽、張佳添、周國豐、巫啟賢和曾路得。新馬賽區的比賽圓滿落幕後，輪到大灣區賽區揭開戰幔，今晚（22日）播出一集有10位參賽者率先登場，當中高菲和梁文君的歌唱實力值得大家留意。
46歲報稱是自由工作者的高菲獻出《祝福》，身為男兒身的他留有長髮，最特別的是他擁有一把天籟女聲，一開口便技驚四座！張佳添大讚：「你話係男兒身，你係講真？一個男仔有把咁嘅聲音，係好Amazing！一啲好成功嘅男歌手，通常把聲都係中性、甚至帶點女性化，例如Michael Jackson、周深，呢個係上天賜畀你嘅。」周國豐則說：「作為男兒身，你頭先唱到呢首歌嗰種溫婉，我係嚇咗一跳。」
36歲報稱是和音歌手的梁文君唱出《歸來吧》，實力亦不容忽視，她希望藉着這首歌唱出嫲嫲的人生經歷；梁文君憑着靚聲和真摰感情獲得好評，曾路得說：「你第一個Pose已經好煞食，一睇就知掂！」張佳添說：「呢首歌你唱到夭心夭肺嘅感覺，畀你帶到入隻歌嘅境界。」巫啟賢同樣大讚：「一睇就已經覺得有戲，人同歌合埋一齊，演出好有驚喜。」
今集不乏再逐音樂夢的參賽者，當中黃文韜和吳帆同樣曾參加友台的歌唱比賽。41歲的黃文韜報稱是人力資源行政人員，深情獻唱《祝君好》，他在台上說：「以前參加過比賽，都有少少成績，但返到廣州之後都要生活，所以最終做咗招聘呢Part。」對於文韜的表現，周國豐說：「今日你狀態唔好，我覺得你比以前有啲啲退步咗。」
38歲的吳帆報稱是演唱會場館營運人員，他唱出《今生今世》後表示：「以前參加過比賽，做過幕後又作過曲，後來去咗類似ICAC嘅機構工作咗6年，一路都想做番關於音樂嘅工作，機緣巧合下做咗演唱會場館營運嘅相關工作。」可惜吳帆因為太緊張的關係，導致表演有所失準，周國豐說：「你真係要改改，你由頭到尾都好緊張，呢樣係嚴重影響表現，呢個你必須克服，因為呢條路可能有排行。」
今集再有人有相似系列，39歲報稱是自由工作者的姬麗婷樣子有點像《東張西望》前主持黃穎君，活躍於網絡世界的她不時於抖音平台上載唱歌片，勁吸逾10萬粉絲。姬麗婷獻唱《到此為止》，但是表現不太穩定，巫啟賢說：「你成隻歌有時得有時唔得，但至弊係唔知幾時得幾時唔得，你可能係3米跳台高手，但你硬要揀10米，撻死你呀真係！」
同樣報稱是自由工作者的40歲范夏華獻唱《你把我灌醉》，她的歌聲與歌手G.E.M.（鄧紫棋）似到十足，一開口便先聲奪人，此外她的樣子亦與視后林夏薇相似！
