大合照中，丁子高團隊拉埋橫額，搞笑寫上：「老闆生日快樂，我哋好愛你㗎！尤其係出糧嘅時候」，然後全體包括壽星公，與丁太楊千嬅及囝囝Torres齊齊穿上團隊Tee恤大合照，成班員工個個笑到四萬咁嘅口。原來Tee恤背後，包括「添丁、添笑、添飲、添燈、添富、添運、添紫、添財、添利、添旺、添靚、添喜、添高、添發、添福、添氣、添壽、添美」祝福語，生日蛋糕更加有意義，有地球、錢箱、金幣、運動鞋和單車，丁子高用獨特甫士來吹蠟燭，超級興奮。
千嬅亦曬照祝賀老公生日快樂，並留言：「好兄弟，繼續做自己喜歡的事，身體健康，happyHusband，happyLife，你有你講我哋自己有一套，Love u 3000」。
