袁文傑昨日在社交網上載與第4期藝員進修訓練班聚會片段，當中古巨基帶同6歲大仔Kuson一同出席。袁文傑在片段中介紹：「我哋第4期TVB訓練班嘅同學聚會，有輝輝，有Idy（顏菁葦），有Carol（譚淑梅），啱啱嗰個係黃立威，唔少得嘅仲有（鏡頭轉向古巨基）……係呀，我同基仔都係同學嚟㗎，仲有我哋嘅老師May姐。」基仔亦在片中搣囝囝面珠說：「呢個都係哋同學嚟㗎！」校服look的Kuson對鏡完全不怯場，表情多多伸晒脷。
袁文傑留言：「好開心超興奮一個晚上，亦都係我哋呢班同學仔女認識35周年的日子。感謝基仔安排一切，一句：彼此珍惜相見的時間，過去。現在，將來……亦要感恩May姐傅月美老師及張之鈺老師的教導，我哋呢班同學仔，係一世嘅同學仔」，在基仔在留言區提醒：「新加入咗個6歲嘅同學仔」後，袁文傑即補漏：「仲有新加入6歲大嘅靚仔同學Kuson，我哋係第四期藝員訓練班！」
