丁子朗（丁丁）、馬貫東（東東）、陳懿德（德德）主持無綫旅遊節目《盲盒鐵路遊》，昨日（16日）播出第二集，三人齊齊挑戰阿那亞北岸的索道滑水，德德因為三年前膝頭韌帶受傷，很久沒有做過劇烈運動，感到好緊張更灑淚，最終成功挑戰極限，成功企穩，德德事後爆笑說：「我可唔可以加人工啊？」
另外，他們在酒吧談心，已入行19年的東東，坦言在最辛苦的日子，全靠母親與家姊默默支持，他談及家人的愛錫時，更忍不住流下男兒淚：「我阿媽講得最多就係『點啊？夠唔夠錢使？』」而東東家姊說得最多的則是：「媽咪擔心你呀，你message佢多啲。」馬貫東續指：「係心悒嘅，我都好想盡我嘅努力去俾屋企人睇到成就。」
今晚（17日）播出的第三集，他們去到瀋陽站，並去到熱鬧的小河沿早市場掃街，品嚐東北大飯包、鐵板雞架、驢打滾等小食；期間東東以普通話與市場姐姐溝通，德德聞言即笑爆肚：「原來有人可以動搖到黎諾懿港普之父嘅地位。」之後丁丁與東東更玉帛相見體驗東北洗浴，丁丁浸浴時大曬肌肉，東東則把毛巾包到上心口，形成強烈對比。
更多圖輯：
