無綫旅遊節目《一路繁花》由胡蓓蔚（豹嫂）、姚子羚及冼靖峰（Archie）主持，今晚（14日）播出最後一集，子羚與Archie來到一間90年代記憶博物館餐廳，整所餐廳裝修成90年代的宿舍和教室，以試卷點菜，進食的地方是教室桌或者宿舍的碌架牀。宿舍的氛圍令Archie想起早前在上海參加《亞洲超星團》集訓，跟一班超星團學員起居飲食共同生活，他又透露一段鮮為人知的經歷︰「一齊住係一種壓力，因為我鼻鼾聲都唔細，佢哋試過半夜拍醒我，叫我重新瞓過，因為太嘈。」Archie形容自己的鼻鼾聲很奇特，配合半反白眼的睡相，因此受其他學員厭棄。他還抵死地即場示範「打鼻鼾」，子羚聽後亦忍不住說︰「咁樣係好恐怖，俾我一定會撳你人中（穴）再挾你中指。」
博物館內子羚見到不少兒時偶像做封面的刊物，感受最大的是組合F4的海報。她想起當初入行，亦是因為F4四子的緣故，她解釋︰「望到呢啲卡式帶，慢慢勾起《流星花園》嘅故事，追溯返點解入TVB 8做主持，就係因為F4。之前因為見到某個電台搵素人一齊去做廣播劇，揀中咗我。入行之後終於有機會以主持人身份去訪問言承旭。」
Archie同子羚之後匯合豹嫂追尋《繁花》足跡，她們去到思南路一間Café，劇中汪小姐就在餐廳接受師傅金花送贈的郵票簿，作為創業資金。店內裝修主打復古，由吊燈、電風扇至鋼琴，都有歲月的留痕。
今集麥長青在香港為觀眾走訪《繁花》主演髮型設計師鄭健豪（Carr），劇中主要演員髮飾都出自他的手筆，談到三位女主角髮型構想，充滿90年代香港女星的影子。Carr表示鈴子角色由日本返上海，所以參考了山口百恵的短髮；鄺美雲曲長髮變化多，最適合汪小姐；李李女強人性格，梅艷芳梅姐的短髮是不二之選，他補充說︰「導演王家衛成日同我講，要俾人知道，香港嘅工作者做緊啲乜嘢事。」
