林子善在昨晚（27日）播出的一集《一個好人》中，分別拜訪了「廟街神父」胡頌恆、寵物暫託家庭Christy和攝影義工何偉彤偉哥。「廟街神父」胡頌恆是一位77歲的澳洲人，來了香港40年的他講得一口流利廣東話，他住在100呎的廟街劏房過着簡樸生活，並在廟街開設了一間社區食堂，更只聘請更生人士。製作組問到他是否一個好人時？他謙虛說：「我唔係好人，我做呢件事係應該嘅，以前好多人對我咁好、俾機會我，我好幸福，我都想對其他人好！」
Christy做了寵物暫託家庭4年，一共照顧了13隻有傷殘或健康有問題的狗狗，用愛陪伴牠們跨過身心障礙。另邊廂，74歲的攝影義工偉哥以鏡頭溫暖人心，子善跟隨他為一名96歲婆婆影靚相，過程溫馨歡樂，偉哥還會分享為臨終長者影遺照的感人經歷。
節目尾聲有一個特別環節，子善與一班「好人」接觸時拍下不少照片，為此子善特意舉行了一場相展，並邀來過往集數介紹過的「好人」聚首。子善說：「呢個節目令我發現呢個世界有時好苦，但慶幸有一班好人默默付出，為呢個社會送上一點甜。佢哋未必係偉人，但係佢哋內心同行為都可以一樣咁偉大，好想話俾佢哋知你哋一啲都唔孤單，身邊其實仲有好多好人喺身邊，希望透過相展將咁多位好人連繫埋一齊，大家互相認識互相交流，每個人將嗰份力量拎出嚟，相信可以變成更強大嘅力量去幫助呢個世界。」
