容祖兒《PRETTY CRAZY》紅館演唱會第十一場（15號）有古天樂做嘉賓，引來全場激哄，二人即合唱《今期流行》，唱唱吓古仔仲除咗個ear mon，祖兒見觀眾反應熱烈都忍唔住講句:「呢啲真係顛倒眾生！」古仔說:「首先我想講今日病了，第二件事《今期流行》從未唱過live。」祖兒即話:「古仔真係好錫我，你係咪前世欠咗我？」古仔也覺得應該係，祖兒問他記唔記得好多年前做過她的演唱會嘉賓?古仔說:「你當我老人癡呆？演唱會中我還好愕然見到我同你影過嗰張相。」祖兒說：「你嗰時好白……但而家都唔係好黑，嗰時你仲拍緊劇，（古仔說他當時跟阿媽一齊入電視台）我哋鼠入電視城竟然見到你，當然唔會放過機會，就係呢張相我溝掂咗你……講笑咋。」
古仔突然話谷鬼氣，說頭先都話唔戴ear mon，因為聽唔到現場音樂，想唱多次《今期流行》，祖兒話驚over run，古仔說:「你係咪都加時㗎啦！」祖兒話俾埋佢唱落去都仲得，隨即音樂響起，祖兒先唱前段，輪到古仔接棒時，他卻未有開口，祖兒即說:「你又遲咗啦！」古仔未有留神，開口唱時才發現，突然企直可愛地說：「我又遲咗」再繼續唱下去，唱完之後祖兒話古仔喘哂氣咁，幫他印汗說：「使唔使抖抖先呀？最受歡迎男歌手！」呢對「古祖」拍檔實在非常搞笑！
