龍婷今日（23日）出席「龍婷《旅程》巡迴音樂會」澳門站記者會，她表示已籌備多時，「上年已經開始籌備，有香港、澳洲、澳門及廣州，而今次澳門就係第一次做，不過希望每次都有唔同嘅嘢，其實準備工夫對於我嚟講係一種壓力，因為需要一種突破，每次都要諗新嘢俾大家睇，其實係好難。今次我想做一part係80年代快歌，以前未做過，我以前都係唱鄧麗君及王菲嘅歌，想今次有啲唔同，俾大家另一種舒服自由嘅感覺。」
龍婷自言舞技了得，「跳舞，我好得㗎，無問題，細時學民族舞及古典舞，現代舞都跳過，反而唱歌係最後學，但就唱得最耐，所以我唔會特登去搵跳舞老師編排，總之感覺嚟就可以跳，但有啲金曲本身有指定動作嘅話，都會做返。（性感舞蹈？）我唔會，我唔玩呢樣，唔使特登去性感，因為我會唔自在，我露咗少少，都覺得唔舒服，我底線係大大方方囉。」會否計劃紅館開演唱會？「有機會我一定去啦，每一個歌手都想去紅館啦，但係我暫時未去到，而家我巡迴幾多場加埋都好好。」今次澳門演唱會最貴票價港幣1080會否擔心演唱會價錢被網民嫌貴，「價錢係主辦單位定？又唔係我啲問題。」
更多現場圖輯：
