香港最長壽處境劇《愛．回家之開心速遞》將完結，「熊尚善」滕麗名昨晚在小紅書開Live回答網民提問。被問到會否參演新的處境劇？阿滕直言：「應該就唔會嘞，希望俾大家耳目一新嘅感覺吖嘛，所以新嘅處境劇應該冇我份，希望你哋睇到一個全新嘅處境劇！」她又承諾他們會拚盡努力，拍一個最完美的結果給大家留下美好回憶。
阿滕表示跟網民一樣想與「金城安」周嘉洛再度合作拍劇，但笑指年齡上做不到男女朋友，連姊弟也不能，只能繼續母子檔闖天下。問到她撐「安Bon」還是「蔥Bon」？她笑說：「其實愛情呢樣嘢邊到話我盲撐嘅啫係咪先，『安Bon』梗係好啦，但係『蔥Bon』亦非常之襯。」至於「潮偉」袁文傑在完結前會否再出現？阿滕謂：「我相信潮偉會返嚟大結局。」
提到「素素」古佩玲外表惹網民批評，阿滕為對方發聲：「每一個演員都好勤力做佢嘅戲，個樣係媽媽生嘅，佢真人唔係咁樣。其實你對一個小朋友攻擊，會唔會太狠心呢？佢都係一個好乖嘅細路女，你哋唔可以咁樣，做人要有愛心，佢都會有好多人鍾意㗎嘛。」
