黃宗澤昨日（18日）出席陳庭欣富商男友楊振源開設的品牌30周年活動，並自爆：「我最近好威，發現自己原來值5億。」他透露最近同事收到一則工作問價短訊，邀請他擔任某公司周年晚宴的嘉賓，「對方仲特別提到，公司嘅23歲混血大小姐仰慕我好耐，除咗希望我出席晚宴，更提出一齊晚餐嘅要求。老爺願意出價5億，希望我同大小姐成婚。請叫我『5億女婿』﹗」他形容整件事如短劇劇本，「得啖笑﹗我之前將呢件事話畀因小病入院兩天嘅媽媽知，佢忍唔住笑住問係唔係5億美金。但佢冇進一步追問，只問我攞錢去旅行。」
陳偉霆昨日宣布已當爸爸，Bosco表示已致電祝賀，又讚對方口密，事前沒有露出半點風聲。他被問到會否跳過結婚步驟先生仔時，笑言：「我跳樓、跳海就可以。」他坦言多年來未有想過組織家庭，也沒有特別渴望享受天倫之樂的畫面。
