賀歲片《夜王》導演吳煒倫率黃子華、廖子妤、楊偉倫、盧鎮業、何啟華、譚旻萱、李芯駖、麗英等，今日（16日）到旺角出席宣傳活動。《夜王》優先場累積票房已迫近200 萬，上畫日場數超過900場，是近十年賀歲片場次之冠，超越《美人魚》、《飯戲攻心2》、《毒舌大狀》等。
對於情人節謝票場，戲中一班演員齊齊歡哥（子華戲中角色）上身，恤衫西裝打扮亮相，子華讚賞他們認真、專業，所以他今日也以歡哥裝扮到場，笑指這身打扮可橫行18區。被問到哪一個扮歡哥最神似？他認為各有各風格，繼扮歡哥之後，一班EJ girls笑言正密謀扮V姐謝票。
再被問到平時是否很少落旺角？子華謂：「我身體留住旺角嘅血，一世都要離唔開我，深水埗、旺角、油麻地都有我嘅足跡，如果《夜王》有下一部，而大家又有睇《夜王》，大家就知道老尖係唔掂啊，下一集就係嚟旺角拍啦！落旺角真係好多嘢做喎，買閃卡、行下波鞋街，總之我完全勸喻全世界嘅人，得閒就嚟旺角，留港消費、留港睇《夜王》！」
更多現場圖輯：
