譚輝智、黃博、關嘉敏、張馳豪、黃洛妍、鍾柔美、黃奕斌、林智樂、冼靖峰等今日（4日）出席《萬眾同心公益金》記者會，黃博表示首次參加公益金籌款節目相當興奮，當晚會與周吉佩及古淖文合唱，令她相當期待，「我哋有夾過，當中主要在音樂上，已經攞到編曲，自己再睇下需要有咩準備。」她表示預計6月中推出首支廣東新歌，「已經錄好晒，準備拍MV，算係俾自己一份禮物，希望錄音時用自己的表達方式，因為呢首歌係為我度身訂造，相信6月中或6月尾可以推出，自己都好期待。」
譚輝智今年繼續幫手表演籌款，更與幕前「孖生兄弟」關嘉敏表演歌舞劇，「上年表演比較沉實，今年同我「兄弟」關嘉敏合作勁歌熱舞，我哋會唱11隻串燒歌，歌舞劇形式又唱又跳，算係直播節目最大嘗試。（轉行搞笑路線？）搞笑係監製要求，但我鍾意，其實平時自己都係咁，似返我本人，所以好啱擺落節目，平時同朋友唱K都係咁，只係現在呈現舞台，唔係太過火，其實我都想chok，但chok唔到。」他更說自己開始認真跳舞，「都有認真練舞，我知道比較弱的一環，但想克服，以前會hea跳，但而家認真啲，其實好多人叫我唔使進步，一直保持咁樣，但都想自己進步。」
更多現場圖輯：
