曾寶儀主持的《香港人的台式生活》，前晚（5日）一集的被訪者Ken許，原本在香港、澳洲都經營餐飲業，5年前到台灣接手父親經營多年的茶餐廳生意。許爸爸講到97年因為金融風暴，所以想轉環境，加上許媽媽是台灣人，順理成章揀了台灣落腳，一住到現在。許氏夫婦相識經過，更嚇了寶儀一跳，還問「你係咪認識我阿媽，佢以前都係歌舞團，都係去香港唱歌識我阿爸（曾志偉）。」寶儀之後話許氏夫婦的故事跟自己父母交往經過一樣的，接着她爆料話︰「媽咪都係去香港唱歌識我阿爸，嗰時香港好流行聽國語歌，阿媽嗰時十幾歲、未成年就去咗香港唱歌，識咗我爹哋，然後留喺香港，然後有咗我同阿妹，同uncle、auntie個故仔好似。」
昨晚（6日）故事的主人翁是音樂人劉穗京，他先後為鄭秀文、李克勤等歌手寫過曲、填過詞，來到台灣賣海南雞，更成功建立一條連鎖經營線。劉穗京話自小無根，13歲就獨個到加拿大生活，同內地太太結婚，囝囝有加拿大護照、香港身份證，在台灣長大變成台灣人。目前他已構思下一步，就是到日本開店，劉太自然「嫁雞隨雞」。
