《羅啟豪 × 譚輝智 雙聲演唱會 2026 TWINKLE TWINKLE SUPER VOICE LIVE》今日（16日）舉行記者招待會，演唱會將於6月6日假紅館舉行，票價亦是網民猛烈攻擊的目標，今次《雙聲演唱會》門票價格只分兩種為$1380與$580，最高$1380的價格隨即引發極大迴響，譚輝智自言銷售理想，「不嬲個號召都ok㗎，暫時銷售都良好啦，至於加場方面賣晒先算啦，身邊好多朋友及親友都有認購，都好多㗎喇，因為其實我第一次舉行演唱會時，有好多朋友都完全唔知我開（演唱會），甚至開完先知道，嗰陣由知道到開騷真係得十幾廿日時間，比較趕，當時都無通知全部人，今次就多啲時間通知，佢哋都會嚟嘅，暫時都係親戚支持，朋友我都未叫，叫埋就應該更多。」
問到輝智為何忠實粉絲拉姑（狄波拉）未有出席？他表示今天記者會，與啟豪只能各帶10位家人朋友出席，連哥哥及女兒也未能到場，只能讓家人優先。而拉姑這次都很支持他，訂了很多門票。至於有傳拉姑變心支持張與辰，輝智覺得拉姑對每一位「中聲」歌手都很支持。
譚輝智話今次有一年時間準備，除了積極練歌外，都希望操fit身型，「之前開騷可能只有早一兩個月通知，準備時間就冇咁多，但今次就有差唔多成年時間去俾你準備，所以都盡快練，希望可以操fit少少，到時可以著到背心騷下肌肉。」被問到會否邀請嘉賓？羅啟豪坦言他們唱自己的歌已不夠喉，加上以前甚少合作機會，今次終於有機會合唱，故未有時間再給嘉賓了。
更多現場圖輯：
