黎耀祥、曹永廉、蕭正楠、吳若希、戴祖儀與丁子朗，今日（9日）出席無綫《他們的澳洲駕期》記者會，吳若希表示此行為她帶來好運氣，「我哋今次去咗12日，我同丁子朗及戴祖儀一齊去，因為今次嘅trip可以揀自駕遊，變成隨心所欲啲，但依然各自有各自分工啦！今次我最印象深刻就係有得去睇野生海豚，之前我見過一次野生海豚，嗰時我陀緊BB，去澳門坐船時見過，印象中如果見到野生海豚係一個幸運，而我今次喺澳洲見完野生海豚之後，新年都有好幸運嘅嘢發生咗，我覺得係命運嚟，即係佢本身已經安排咗俾我去遇到一啲好事，或者見到佢，我就會有好嘢發生，例如原本我屋企有啲人唔係咁舒服，最後可以喺ICU接佢出嚟，呢樣嘢我覺得好驚訝及感恩！就算有啲咩難關都好，我都可以捱得過！」
這次澳洲12日之旅，吳若希笑言自己化身成「廢柴」，她說：「佢哋話以為我係一個大姐姐身份，但我今次旅行，我變咗做一個俾人欺負嘅角色，例如去旅行唔帶腦咁樣，淨係負責揸車，所有嘢都唔記得，稿又唔記得，跟住啲嘢周圍擺又搵唔到之類，所以大家好surprise，我反而出嚟做嘢就變咗另外一個人咁，變咗『廢柴』一樣！」
更多現場圖輯：
