人氣組合農夫（FAMA）成員陸永權（陸永）與鄭詩君（C君）出道26年，由「地下Rapper」發展成為「農作天下So Fa So Cool」創辦人，憑幽默本色及口才，深得觀眾受落，繼早前做完古天樂演唱會嘉賓及五月舉行演唱會後，今個月又有騷演出，工作排得密密麻麻，他們說：「希望可以完騷之後放一個大假！但其實都冇得休息太長時間，因為我哋已經準備要做新專輯。雖然唔知道幾時可以做好，但努力希望可以快啲同大家見面。」
工作密麻麻，瘦到成支竹咁嘅陸永，驚訝自己原來都有肝脂超標問題，而他聽從C君建議注重健康及開始服食保健品，幫肝指標回復健康水平。
現時對於個人健康卻十分關注的農夫表示：「大家可能睇唔出，我哋平時都有做開運動㗎！做咗人夫、做咗爸爸之後，會更加注意健康，因為都唔想屋企人擔心。健康貼士就係希望大家飲多啲水、瞓多啲覺、玩少啲手機同食啱保健品。其實呢個貼士主要係提醒我哋自己嘅啫。」
最近，二人就爽拍廣告，農夫演繹都巿人一般的陋習，除了OT捱夜、卧牀玩手機外，更化身「熱量收割機」，勁飲啤酒及勁食炸雞，難得可以一邊工作一邊享受美食，農夫感覺只有一個字「爽」：「人生有幾多個機會係可以一邊工作、一邊享受美食！呢個廣告完全刷新咗我哋對『工作』嘅定義，簡直係又正又開心。」
