羅家英今日（6日）以代言人身份出席發布會，他透露有投資基金，且從未損手，自詡在投資方面勝汪明荃一籌，因阿姐只會把儲蓄做定期收息，但他指阿姐的身家比自己多。家英哥透露接了幾齣電影，先與鮑起靜合作演出印度導演的新片，兩人合演夫妻，他表示恨與鮑姐合作好耐，會在片中以粵劇造型演戲中戲，電影在香港取景，笑指可以挑戰印度歌舞，平時他都喜歡睇印度片，向男主角取經，「睇男主角點搞笑，從中學嘢，自己氹阿姐開心啲嘢用晒嘛！」
家英哥接著會到北京及潮州拍戲，他指閒時就拍烏蠅，這次卻忙到要度期，阿姐不會陪他去拍戲，擔心到時會掛住阿姐，又指今日出門工作都有掛住她，「呢排唔知點解，成日都有啲掛住佢，以前都唔覺，呢排好覺，感情突然間好咗好多。」
明日是家英哥農曆80大壽，他透露不會大肆慶祝，阿姐可有送生日禮物？他表示未收到，「有套西裝，唔知算唔算數，絕對滿意啦！」家英哥的生日願望是世界和平，香港繁榮穩定及身體安健！
更多現場圖輯：
部份圖片來源：汪明荃@instagram
