樂隊ROVER成員陳鎮亨（亨仔）首戰「HKUBA全港中學及大專健體聯校比賽」，奪得新秀組冠軍及大專組季軍。亨仔透露參加健美比賽一直在他的人生清單入面，為了圓夢，經歷長達一年半的艱苦訓練，更在最後八星期進入地獄式飲食控制階段。當大會公布比賽結果一刻，激動得在台上流淚大叫：「終於可以食嘢喇！」
亨仔自言從未想過能夠獲獎，甚至奪得冠軍，「我其實冇諗過會有任何獎項，原本預計最多只係得第五名。」一般健美比賽標準備賽周期為十六星期，但因兼顧學業同工作，亨仔今次只得八星期進行衝刺，「所有嘢濃縮埋一齊，真係好辛苦。過去八星期，我每日都食雞胸飯，到最後階段仲要嚴格節食。」
談到比賽前幾日的準備，亨仔直言是整個過程中最艱難階段：「最難過係比賽前一星期，即係Peak Week。因為要將飯量同碳水化合物減到全日少過一個拳頭，但同時又要繼續保持高強度運動。」更辛苦的是，雖然要大幅減少食物攝取，但每日卻要飲高達10升水，將身體多餘醣源徹底排出，令肌肉收縮到好似「乾海綿」一樣。亨仔笑言過去幾個月的節食對他是最大折磨，「我係出了名鍾意食嘢嘅人，平時可以食好多碗米線，但呢幾個月，我嘅世界就得返雞胸同白飯。」
完成賽事後，亨仔打算拍攝一輯半裸腹肌寫真留作紀念，亦希望能夠吸引內褲品牌青睞，帶來更多工作機會，同時透露未來或者會挑戰更大規模的健美賽事，「今次只係一個開始，我希望之後有機會可以踏上更大嘅健美舞台，繼續挑戰自己。
更多圖輯：
圖片來源：陳鎮亨@instagram
