經典音樂劇《Cats》又再重臨香港舞台！於8月6日於戲曲中心舉行首演禮。眾多藝人盛裝出席星光熠熠，包括：賈思樂、戴夢夢、韋綺珊、劉洋、金凱、莊思敏、黃建東、李壁琦、蘇韻姿、張家誠、沈殷怡、蔡宛珊、孫慧雪、丁子朗等等。
賈思樂說好期待聽劇中經典歌曲《Memory》，而音樂劇作曲人 Andrew Lloyd Webber 是世界知名的。「30年前跟着《EYT》去英國拍外景，當時趁機去欣賞這齣音樂劇，已經覺得好好睇，事隔30年好多劇情都忘記了，今次在香港演出就決定要來重溫。」
蘇韻姿原來8，9歲在加拿大就睇過此舞台劇，不過當時年紀細，見到劇中人扮貓，還以為是真的，而這晚她都是最想聽《Memory》，因為她亦曾經唱過這首歌，實在太難唱。
孫慧雪則帶同愛兒現身，指愛兒是舞台劇迷，專程帶他捧場：「佢都做咗好多次舞台劇，睇見佢綵排其實都好辛苦，我自己做演員就唔想佢第時做呢行，不過我知道佢心目中好想成為演員！我哋之前專登去咗美國睇音樂劇，其實覺得香港文化氣氛好濃、好好睇！」莊思敏說她以前未有機會睇過《Cats》，「身邊朋友話這齣劇好好睇。」黃建東就話自己是讀戲劇出身，所以不能錯過。
談及剛為妹妹莊思明與楊明婚禮擔任司儀的難忘經歷。莊思敏笑言沒想到最後「功虧一匱」大擺烏龍！她在台上宣誓環節本來由牧師主持，但因現場賓客太多聯絡不上牧師，婚禮企劃（Wedding Planner）臨陣交由兩人救場，卻脫口而出：「莊思明，你願唔願意喺在場咁多名賓客面前見證，嫁楊明為你合法妻子？」莊思敏笑言講完當刻已心知不妙，事後已鄭重向妹夫及妹妹道歉，幸好兩人完全不介意，反而覺得像夾好的搞笑氣氛。
