MIRROR成員陳瑞輝（Frankie）最近接受網上節目訪問，並談及MIRROR面對海量負評的應對心態。
Frankie近來推出新歌〈是日戀愛〉，又於音樂劇《小男人周記》飾演小男人梁寬，他表示最近終於感覺到原來做到小男人也是一種能力，「我本身就散發住（小男人）特質，我記得拍完〈是日戀愛〉MV返到屋企，我同經理人團隊講，我都係走唔出虐心角色呢條路㗎喇！但係好㗎！能令觀眾覺得你慘，其實係一種能力。」他在MIRROR中曾掙扎於個人定位，也十分滿意自己這個特色：「MIRROR 12個都好唔同，例如隊長好嚴肅好有霸氣，我又係咩呢？我而家搵到喇。」
MIRROR初出道受到大量關注，同時亦經歷無數批評，Frankie坦言：「初初好似做咩都唔啱‥‥‥《全民造星》收到海量嘅批評，大家關注度都好高，成立咗MIRROR之後更上一層樓。所有想腰潤（挖苦）嘅都會講出聲挖晒出嚟講，啲comment好赤裸，真係好受傷害。我哋12個都冇接受過公眾人物嘅training，就要接受山崩海嘯嘅負評，好似做乜都係錯！」
對於身為「終極I人」的他，更坦言起初幾年完全收起真我，難以真面目示人：「頭幾年對親鏡頭、做訪問、拍團綜，都唔係自己嚟，可能得兩三成，其餘都係我嘅緊張、謹慎。」他要透過不同工作、觀眾的支持，才能在這幾年間，點滴地建立信心。他笑言MIRROR這些年仍能撐住，全靠團內12個成員互勉，才能進化到現在能面對任何事情：「大家圍一團爐，放一放負，咁就好舒服㗎喇。慶幸有呢班兄弟喺度，過咗最難過嘅時間。」
Frankie因性格內向而樂於平凡，自爆平常的生活興趣，包括喜歡玩搖搖，最近更極力鑽研廚藝，「我想試吓煮嘢食，本身我係level 0，炒個飯都四圍都係！但我有鑽研氣炸鍋食譜嘅，試過用氣炸鍋，煮個漢堡畀我嘅室友食。我都幾享受煮畀人食，而人哋又好開心！」
