98年度港姐季軍吳文忻 （現改名吳忻熹 Nathaliie），早前於《明周》公開乳癌復發第三期，並擴散至淋巴腺後，積極面對治療。
阿Nat在香港接受三次化療後，決定接受新治療方法，八月已赴泰國進行「免疫細胞治療」，上月第一次報告，左胸腫瘤縮小了一半，阿Nat對報告感到amazing；本周阿Nat再到泰國治療，原本不打算公開的原因，阿Nat坦言不希望在香港正在抗癌的同路人，看到她比較輕鬆的治療會感到不快樂，但她仍然希望大家做個「有選擇」的病人，同時亦希望香港的治癌方案可以百花齊放。
自公開病情後，各界好友紛紛送上祝福，阿Nat亦收到很多新進治療方法，集合各方面意見和做足資料搜集，阿Nat八月到曼谷嘗試一種治療癌症的新方法，叫做免疫細胞治療Cell Therapy，當時阿Nat解釋︰「點解會有呢個決定呢？其實自從報道出街之後，好感恩，好多認識和唔認識嘅朋友都send咗好多治療方法俾我去參考，我亦都一一上網做過research，咁啱亦有朋友做過呢個細胞治療而又成功咗，我都睇咗好多clinical report啦，做個research又網上study過之後，覺得呢個細胞治療會好適合我，所以就選擇咗去做。」
本周到泰國繼續進行治療，阿Nat說︰「今次去係打一種叫TTV嘅腫瘤疫苗，他們說作用是追擊癌細胞和防復發，今次打完好過上次，第一次反應比較大，而家嘅進度呢，今次都有抽血再做多次血液測試，上次指數係2，睇下今次會唔會跌到0，其實我都感覺到『佢』有反應，會痕會腫，教授話正常，因為進攻緊，啱啱都收到一位網民DM，佢都嚟咗泰國做細胞回輸，好開心我的分享可以給癌症病人多一點希望，其實我自己都擔心最後的成效會係點？如果唔係預期中咁好，需唔需要負責任，不過再諗深一層，如果確疹癌症，都唔會有醫生保證你治療方法有100%痊癒，唔會保證你唔會翻發，呢度都一樣，對於病人來說，我覺得最緊要係多個選擇俾大家，首先要自己了解多啲，再去選擇，我都係一個負責任嘅人。」
腫瘤疫苗注射的位置在臀部，阿Nat每次做完都會用浸浴減輕痛楚，「第二日Pat Pat都會痛，有少少微燒，每次到泰國我都會做個Spa，我反而每次都好好珍惜呢個trip，當係一個me time嘅trip，好好享受喺酒店食個早餐，治療之餘，都要活在當下，開心多啲對療程都有幫助。」
到泰國治療，阿Nat亦會周圍飲飲食食，她解釋︰「之前冇出片講泰國點抗癌，因為覺得如果好輕鬆飲飲食食，對於喺香港戰鬥緊嘅同路人，佢哋感受可能唔係咁好，所以冇公開，其實真係好似去旅行咁，而家就諗通咗，其實都係多個選擇俾大家，係咪好快會好返呢？都冇人知，我係buy呢個方法，最好係因而唔會傷身，如果免疫系統出事仲煩，我並唔係同西醫對着幹，亦好多人話呢種方法唔夠個病鬥，唔夠癌細胞打，但暫時佢哋覺得進度OK。」
阿Nat續說︰「放下包袱之後，我想分享呢個比較輕鬆的抗癌之旅，我有問教授使唔使戒口？係乜都唔使，10月生日食咗好多生日飯，乜都照食，到10月尾做PET scan，見到腫瘤細咗一半以上，但身體都仲見到好多發炎，我學氣功師傅話唔好食雞和牛，我都信嘅，但我兩個囡都好鍾意食牛，有時好難煮，我以前都係牛魔王，打邊爐一定食好多，確疹咗之後又冇乜食牛意慾，有時都需要聽下身體『說話』，想唔想食、需要啲乜，感受下身體嘅需要，而家成日食鷹嘴豆，好有營養嘅植物蛋白亦cover唔食牛嘅營養，對病人好好，我遲啲教大家點煮。」
阿Nat說知道內地有些醫院治癌都會中西醫一齊綜合治療，她覺得如果香港都可以百花齊放，對病人好大得著，「化療係毒死癌細胞，但同時亦都毒死自己好細胞，都係嗰句，了解多啲選擇對自己最好的治療方法。」
‧嘉賓言論純屬個人意見 並不代表本刊立場
