鍾鎮濤日前到馬來西亞雲頂舉行《鍾鎮濤及時行樂演唱會》，B哥哥說：「其實我係樂壇咁多年，都得過好多奬嘅，但其中最好、最重要嘅得奬作品，可以話係以下我所講嘅。我係睇住佢成長，睇住佢出道，我係相信佢可以接棒，將我嘅音樂傳承落去！我希望大家用熱烈啲掌聲，歡迎我最得意嘅作品——鍾懿。」鍾懿除了與爸爸合唱《龍的傳人》外，更獨唱三首歌《假如我是真的》、《Hopelessly Devoted to you》及《小鎮姑娘》。
B哥哥續說：「嚟到雲頂，大家都一定好想要Jackpot，所以我今晚都送個Jackpot俾大家。」B哥哥最小的女兒鍾幗帶着結他出場，她表示好喜歡彈結他，好開心可以與爸爸及家姐一起表演；三人合唱一曲《Crazy little thing called love》。唱畢後，B哥哥說：「我圓夢了，可以同兩個女夾band玩，真係好正。」他指能夠圓夢，最大功勞是太太范姜，他說：「我心中最重要嗰一位，一定係我太太，佢每日為我打理頭家，又陪住我走過好多人生嘅挑戰，如果唔係有佢，我都應該頂唔住！」
更多圖輯：
