「Remember記得・鍾嘉欣演唱會」繼廣州、佛山及深圳後，昨晚（19日）假惠州江北體育館舉行第四站演唱會，雖然今次是嘉欣第一次到訪惠州，但觀眾對她並不陌生，而且全場爆滿，反應熱烈，難怪她大叫感動；不過全晚高潮，莫過於嘉賓陳展鵬與嘉欣合唱《都是你的錯》，二人曾合作熱爆劇《巨輪》，如今相隔多年再次《巨輪》「Re-U」，掀起無限回憶殺。
嘉欣與陳展鵬於2013合作劇集《巨輪》，相隔多年再次於舞台上重遇，令觀眾興奮不已，她表示：「其實我對上一次同展鵬喺台上合唱，係大概10年前喺美國登台，之後大家就冇再見過面。」嘉欣透露再次跟展鵬合作，勾起不少合作《巨輪》時的回憶，大讚他是個非常認真、心思細密的演員，是她非常欣賞的人之一，「初認識展鵬時，覺得佢好似張學友『mix』superman，張學友係一個我好欣賞歌手，所以我今次點歌，希望展鵬可以唱一首學友嘅歌，展鵬好好，佢真係應我要要求唱學友嘅《真情流露》。」
嘉欣被問到為何邀請展鵬擔任嘉賓時，解釋：「同展鵬曾經合作過《巨輪》，好有CP值，好想畀番觀眾一個回憶，同埋我覺得展鵬唱歌好好聽。」嘉欣回想向展鵬邀約時，很快便獲答應，「展鵬永遠都有一種好親切感覺，佢好有心，好多謝佢，而且佢仲同我夾唱咩歌好，好有誠意，我哋最後揀咗《都是你的錯》，因為我哋覺得觀眾估唔到我哋會唱呢首歌，會帶出驚喜畀觀眾。」嘉欣又表示除了今次合作外，亦相當期望可以跟展鵬再次合作演戲。
此外，嘉欣將於8月中到中山舉行第五站演出，形容今年是她豐收的一年：「今年係音樂年，工作上，做到好多新嘗試，亦做到好多自己鍾意做嘅事情，真係好感恩；嚟緊我會出幾首新歌，主題都係醫治心靈作用，只要能夠帶到力量畀人，我都會繼續做，簡簡單單做好每日工作，珍惜每次機會，就係現時我嘅生活。」
