由王祖藍主持的《藍朋友·旅朋友》播出壓軸的「溫哥華篇」，今晚（30日），祖藍與太太李亞男走訪盛產華姐冠軍的The University of British Columbia校園、溫哥華華姐培訓基地，以及相約華姐好友鄧佩儀及張嘉兒齊齊整蛋糕。
前華姐冠軍鄧佩儀（Gloria），2021年拍畢劇集《換命真相》首當女主角後突然「潛水」一年半，引起許多揣測，有傳她因演技及態度問題遭TVB雪藏。直至2023年，Gloria在社交網「蒲頭」宣布在UBC修畢工商管理學士學位及電影製作課程，並將留加發展。相隔五年再度亮相TVB，Gloria談到當年決定離港，身邊許多人都感愕然：「點解我突然之間會走呢？我嗰時嘅經理人都有打俾我。我拍完《換命真相》後，監製聲哥隔幾個月後開劇都想搵我，嗰陣我諗咗好多個鐘，我問自己，十年後我想我嘅生活係點，我發現我係想喺加拿大建立一個Family，又或者喺屋企人身邊。」現於溫哥華任職Marketing的Gloria，坦言現時朝九晚五，放工又可以做運動兼見朋友，生活比之前開心很多：「依家好開心，原來人係可以開心咁多嘅。」
Gloria當年因為喜歡鍾嘉欣，年僅19歲便飛往香港參選兼拍劇發展演藝事業的，但她不單止適應不了拍劇日夜顛倒的生活，還適應不了拍劇熱鬧過後的孤獨感，曾因此一再以淚洗面：「嗰時我自己一個生活，習慣完劇組好熱鬧，每次返到屋企自己一個就會好失落。有時可能凌晨四點返到去，間屋靜英英……長久就會有少少Lost囉」、「嗰時真係自己一個不斷咁喊喺屋企，唔係好健康。」
而張嘉兒笑言決定返港參選港姐，全因被免費機票吸引；談到當選冠軍後受到抨擊，她表示曾因此自我懷疑：「嗰段時間都難過，開始Self Doubt，『咦？傳媒講嘢係咪真㗎呢？我係咪真係咁差呢？』」
更多圖輯：
