Shiga留言︰「消失的新年…今年年初一一起身,我同個女一齊發燒,我就38.7度,我個女就39.2度。雖然話BB發燒,好小事,可能出牙,長高之類之類,不過佢人生第一次發燒,加上我都幾肯定應該係我傳染個女,因為我之前嗰日已經開始咳得好勁。雖然我都有同佢保持距離,但係都係避唔過。同日嘅下午佢直頭燒到40度,我已經嚇到不停喊。陳生9秒9車我哋去急症,好彩檢查唔係流感,只係普通感冒,返到屋企食藥,咁就過左3日…
「我哋兩個都好似昏迷咗三日咁,淨係起身食藥瞓覺。最後我哋喺屋企渾渾噩噩,咁就過咗個新年,呢兩日先開始回魂。所以話新嘅一年乜都係假,總之就身體健康,開開心心,食得瞓得,就已經好感恩。」
Shiga不忘感謝家樂在這個農曆年照顧她和女兒︰「咁就喺屋企過咗7日,辛苦陳生照顧我哋兩個,邊度都冇得去。希望我哋一家今年都健健康康,大家都心想事成,開心最緊要。遲來的新年快樂,阿女終於精神返!」