由王敏奕、朱敏瀚、黃子恆、譚嘉儀、林景程、袁文傑、楊卓娜、倪嘉雯等演出的無綫新劇《虛擬情人》，將於明晚（28日）播出。朱敏瀚於新劇內飾演「虛擬完美情人」Adam，更會以爆肌形象示人，其中大曬44吋胸肌的畫面相當震撼，他透露自2012年拍畢劇集《拳王》後，便養成每天去健身室鍛煉的習慣，「其實好嘅身體狀態都係一個藝人嘅條件之一，咁當時我拍完《拳王》之後，我覺得自己個膊頭同埋背肌都比較弱，所以都有針對呢兩個部位下咗啲苦功，因為都想個比例靚啲。拍呢套劇《虛擬》嘅時候，應該係我最弗嘅時候。」朱仔又笑言為了在鏡頭前保持最佳狀態，拍攝場口亦被他善用為流動健身室，「我會成日問啲Crew攞啲重嘅拍攝道具嚟做Gym，劇組仲特登喺廠畀咗我一個做Gym嘅Area。」
劇中人氣高企的Adam有三大鐵粉，其中一位是由近期演技屢獲好評的楊卓娜所飾演的Audrey，她於劇中更有跳Pole Dance鏡頭。為了拍攝效果，現年47歲的卓娜專誠學習鋼管舞。無綫官方社交平台昨日（26日）釋出了卓娜學跳鋼管舞的片段，當中所見擁有修長美腿的她除了弗到漏油、整體動作亦極有女人味，手持鋼管做出轉圈提腿等動作，表現遊刃有餘、相當有美感。談到在劇中狀態大勇，卓娜笑言當年由於同時拍攝《虛擬》及《奪命提示》，故一度迷失於增肥及減肥之間，「呢兩套劇差唔多搭住去拍，我當時都唔知減肥定增肥好。因為Pole Dance角色要弗之餘，塊面唔可以瘦，因為個角色應該係要靚嘅，但《奪命》個角色又要好殘喎，當時真係好掙扎點兼顧兩個角色。」她續指亦因為兩個角色「撞到應」，故在《虛擬》中是戴假髮上陣，「因為《奪命》嗰邊啲頭髮要好乾、好殘、好霉、好爛，所以嗰段時間精神狀態都好奇怪，因為兩個角色好南轅北轍。」
