「第33屆香港舞台劇獎頒獎禮」昨晚（28日）舉行，風車草劇團憑《Di-Dar》奪得七項大獎成為大贏家，包括「最佳製作」、「年度優秀製作」、「最佳男主角（喜劇／鬧劇）」梁祖堯、「最佳女主角（喜劇／鬧劇）」邵美君、「最佳男配角（喜劇／鬧劇）」葛民輝、「最佳音響設計」陳詠杰、「最佳填詞」晴天林，梁仲恆亦憑風車草劇團的《餐廳》奪取首個「最佳男配角（ 悲劇／ 正劇）」獎項，他領獎時興奮大呼：「我恨咗好耐喇！」
蘇玉華憑獨腳戲《完美證供》獲頒「最佳女主角（悲劇／正劇）」，她感謝導演潘燦良：「佢係我嘅導演，亦都係我老公。當我知道佢要做呢部戲嘅導演時，我心諗：『呢鋪真係攞婚姻作賭注』。排練過程中，我哋係刀光劍影，好多『互片』時刻，但最終我發現，原來我哋可以有更大嘅包容同愛護，喺戲劇之名下，去共同完成呢份創作。」
梁祖堯致謝辭時，激動表示：「今日我可以代表好多人講心聲——無論有冇被提名，每一位都係好開心，因為我哋真係好愛呢個行業。我哋行過好多好多困難嘅路，但我哋會堅持落去，無嘢可以阻到我哋！」梁祖堯續指無論如何都會努力講好想講的故事，並以自己賺回來的智慧，繼續熱愛這城市、熱愛身邊的人。
邵美君笑指自己一把年紀，攞獎仍然十分緊張，哽咽說：「今次係屈梁祖堯寫個花瓶角色畀我，因為近年我多數飾演阿婆，開始對自己冇乜自信，所以我老屈佢寫個花瓶角色畀我做。」她憶述，年輕時自己亦如一眾新晉演員，曾經得到一班前輩創立頒獎禮的支持和鼓勵，令她能夠一步步成長，到今日可以帶着信心站在台上。
更多現場圖輯：
部份圖片由大會提供
