蕭正楠和黃翠如的囝囝蕭哈哈來到歲半終於第一次坐飛機，翠如今日（7日）在社交網，上載由執行理開始，到一家三口上飛機，並順利抵達馬來西亞的片段，留言：「終於第一次飛，幾乎失眠三夜，聽很多媽媽教導，無限裝備上機，預備起飛餵奶玩玩具飲果汁說故事唱歌歌，然後這個哈哈，未上機已經為自己準備好，蕭家家訓，點樣都瞓得，這個跟爸爸一樣。終於，終於，終於回到契媽契爺和契哥哥懷抱。」
醒目靚仔的哈哈，被媽媽問：「今日要搭飛機啦，係咪去玩呀？」哈哈即刻開心點頭說：「係呀！」抵達機場後，媽媽又問：「Happy？」哈哈即答：「Happy！」笑得超開心。來到上機一刻，哈哈由爸爸揹在前面，由興奮去到堾眼瞓，都係咁可愛。瞓足一程機，哈哈抵埗時精神返晒，仲主動跟來接機的契哥擊掌，展開他的開心旅程。
