葉子楣作客伍詠薇與李凱賢主持的《九運會客室2》網上版昨率先首播，一開波就自爆曾跟伍詠薇已故首任丈夫翁江培拍拖，令伍詠薇激動得指天說：「我𠵱家條氣唔順，雖然你已經唔喺度……喂呀，你搶我啲嘢？」葉子楣澄清當年翁江培還未認識伍詠薇，兩人也未發生過關係。,
伍詠薇稱以前聽過翁江培跟葉子楣拍拖，但認為只是傳聞，「佢（翁江培）真係溝過你呀？你唔出聲嘅！」她笑讚亡夫：「真係識貨，要揀揀個好啲。」葉子楣解釋是刻意不跟伍詠薇提起這段情，亦很少人知道，稱拒絕翁江培是她揀了個「窮鬼」。,
當葉子楣說翁會駕勞斯萊斯接送，伍詠薇戲言：「咪得一架，原來你坐過嗰個位，嗰個位咁多人坐過，暖笠笠。」葉子楣讚翁浪漫，伍詠薇稱當年葉去過的地方，翁江培也帶她去過。葉子楣再爆：「佢一聽慢歌就同你出去跳舞，跳舞嗰陣時係咪鍾意同你咀嘴，係佢教我打茄輪（法式濕吻）㗎，鍾意跳舞突然間伸脷！仲話我條脷好軟熟，搞到我一同人kiss慣咗伸脷。」伍詠薇聞言笑到流眼水，感嘆人生奇妙。,
伍詠薇 翁江培結婚
葉子楣醫生男友呂錫照猝死，翁江培娶伍詠薇13日後猝死。兩人都曾痛失另一半，有同病相憐感覺，伍詠薇更忍不住眼濕濕。葉子楣提到男友死後，對方的家人仍關心她，近年復出也獲他們支持。伍詠薇感觸當年翁江培離世，他的家人是向她討回亡夫給她的東西，甚至連一支筆也要她交出來。
