Advertisement

海兒唱廣告歌曬廿年Opera功力 最怕4K低炒「唔想雙下巴咁突出!」

本地
2026.10.30

女高音歌唱家海兒(Hedy)日前為中藥品牌拍攝全新廣告,今次破格以Opera美聲演繹家傳戶曉的《太陽出來了》,將廣告歌變身歌劇級演出,Hedy更自爆一收到story board即刻會心微笑,大讚前衛又勇敢,「將一個咁家傳戶曉嘅歌,俾我用一個女高音方法去唱出嚟,我覺得呢次係真係一個big surprise!」

Hedy透露,一收到拍攝story board已經覺得idea很有趣,直言由十歲開始唱Opera,從來沒有想過有一日,可以用自己鑽研十多二十年的聲樂去唱廣告歌,所以十分開心。講到演繹這首家經典廣告歌,Hedy坦言:「話冇壓力就呃人!始終都係幫首咁家傳戶曉嘅廣告歌去唱。」她透露今次最有趣是跟團隊實驗美聲跟流行曲的比例,「可能一開始當流行音樂係零,全Opera就一百,咁我究竟係五十?六十?定係七十呢?靠近Opera嗰邊,定係三十呢?」她指最初錄音時偏向Musical近pop,「錄咗個零兩個鐘,聽完之後就係覺得都係唔夠氣勢、都係唔夠『太陽出來了』嘅感覺。」最終她全力以赴,成就今次破格演出。

拍攝跟正式演出,哪一樣挑戰大?Hedy二話不說揀拍攝,「因為演出都慣啦,而唱美聲呢樣嘢,唔知大家有冇發現,如果你去睇任何Opera表演,你pause條片,係冇可能有靚樣,全部cap出嚟嘅相,都係應該可以做meme嘅,哈哈!」她笑言自己貪靚,「我都想個樣係靚嘅,所以對我嚟講,就係要諗唱同埋表情管理,我要拿捏返呢個分寸,呢樣嘢對我嚟講係幾挑戰。」除了表情管理,Hedy指動作亦是一大挑戰,「因為始終我都着住一條絲質長裙晚裝,當然唔可以寒背,或者唞氣唞得個肚太脹,呢啲我都要有consideration。」她更大爆最擔心鏡頭低炒,「有時個鏡頭係低炒緊我,我又要收返少少下巴,唔想雙下巴咁突出,哈哈,始終最後都會喺各大觀眾大電視熒幕上出現一個4K嘅close up,我盡力都係保持返少少靚喺入邊啦,哈哈!」

Hedy又分享拍攝期間的趣事,就是廣告歌實在太入腦,「因為嗰日拍攝都好長時間,現場都不停會Loop到《太陽出來了》呢首歌,無論我行到去邊,間唔中我都聽到有人唱呢首歌。」她笑指連髮型師都「中招」,「我喺度執嘢嘅時候,聽到佢喺度唱,食lunch嘅時候,我又聽到有啲人喺度哼緊首歌,我覺得呢個真係幾有趣幾好笑。」

MIRROR 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹