她表示外界認為BB樣似爸爸而性格似我，因為易喊同無咩安全感，所以老公希望性格不要似她，今日眼見翠如好像修身成功，她表示只是錯覺，為了今日出席活動，她昨日第一次做產後紮肚，「依家都30吋腰，未修身成功，但我都鍾意自己依家嘅肚腩，餵奶時可以托住BB，感覺BB好舒服。 」
現在每天都好享受湊BB的翠如媽媽，今日出門前先餵完奶，來到現場打開cam見到BB喊就好唔捨得，她說前幾日因為BB轉咗奶粉，全日都痾唔出屎，直到凌晨先痾得出，她同老公即刻攞電話出來影低，重鬥邊個影得好，大家都好興奮又緊張。問到首個母親節如何度過，「母親節好混亂過，無慶祝過，因為佢仲細，唔會俾自己慢慢食飯，有時間只可以俾自己瞓覺，好耐無試過連瞓5，6小時，但望到小朋友個樣就可以。 」
身為代言人的洪永城今日慘變配角，但他表示完全不介意，更打算幫對方籌備「蕭哈哈」百日宴，「未修身都已經咁好，真係天生麗質，我係翠如細佬，所以都算係舅父仔，都諗緊送金，睇下要咩圖像，或者米奇老鼠牌仔，甚至將TVB服務10年牌俾佢都可以，一係我幫佢籌備百日宴抵銷送金都可以，等佢哋唔使咁操勞，好好享受一下。」他表示自己乃兩女之父故經驗十足，「我屋企都有兩位小朋友，我哋有一個群組，總之有問題都會交流協助佢，雖然網上都有好多資料，但實際細微嘢都可以俾意見。」
