杜如風以GD經典造型去韓國拍攝。
作為日本旅遊達人，杜如風早前到韓國拍攝全新節目《跟風旅行團》，並在當地度過51歲生日，出發前講明今回轉戰韓國為追星，竟然如願引來G-Dragon（GD，權志龍）的注意，令她開心到大癲。
除了造型吸引，仲要咁啱俾GD見到Post埋上IG。
事緣剛在高雄出席完韓流拼盤騷的GD，返回韓國後，昨日（1日）在社交網分享多張照片，十幾張相都是GD的自拍照，只有一張是他路過偷拍的街拍照，和一張是爸爸給媽媽的情書，而被GD偷拍並Post在當中的，竟然是杜如風在首爾街頭穿上GD其中一款造型拍攝時的背影照！
GD這個造型超帥。
難怪杜如風開心得立即發文公告天下，留言：「嘩！CRAZY呀！G-Dragon post咗我張相喺佢嘅IG呀！G-Dragon偷影咗我，然後post咗喺佢IG！嘩！我開心到就嚟暈低啦！以後大家keep in Touch！有演唱會開唔好要我俾錢睇，直接帶我入後台就得啦！實在太開心啦！」她還在GD的帖文用韓文留言：「著住紅色衫果個係我黎嫁！多謝你！」
至於權爸爸寫給媽媽的情信，內容則是：「不知不覺我們已經成為夫妻40年了，能夠跟你相遇是我人生中最大的祝福，感謝你一如既往的愛，讓我和家人們可以過上成功生活，以後的人生也互相愛着過吧，致依然愛着的你」，超級浪漫。
權爸爸給媽媽的情書。
