《中年好聲音3登峯之戰》昨晚（11日）於啟德體藝館舉行，黃博、張與辰、劉洋分別成為冠、亞、季軍。頒獎之後，司儀車婉婉在台上問無綫總經理曾志偉：「其實好多人問我有冇《中4》，究竟《中4》幾時嚟？」志偉興奮表示：「首先好多謝各位咁支持《中3》，但的確大家上上下下都好辛苦，《中4》馬上就會蒞臨，但係要畀時間佢哋休息下，原本諗住今晚就報名，而家各位聽日八點鐘就開始報名喇，聽朝就係喇，《中4》呀，嚟呀﹗」然後全場一起歡呼﹗
曾志偉事後受訪，他對比賽感到滿意，又指有好多驚喜，他提到首次於啟德舉辦活動，所以事前做了很多功夫，又聘請在內地有製作大型活動經驗的團隊幫忙。志偉感謝文化體育及旅遊局局長羅淑佩，因為她原定緊接住要出席五月天演唱會，但後來留到節目完結及負責上台頒獎。志偉提到「中4」開始接受報名，他表示不想「攤凍」，要立刻做，「其實已經好多人想參賽，嗰團火呢唔好畀佢熄啦，所以就馬上接受佢哋報名，仲要係全球添。」他表示為保持熱度，會盡快進行海選，而另一選秀節目《聲秀》亦在進行中，志偉強調不會撞期，「應該《聲秀》完咗，先至到『中四』開拍」。
更多現場圖輯：
