曹永廉與太太姜依蘭育有一對子女，19歲大仔曹保熙（Brandon）已暴風成長，留有及肩長鬈髮又長得高䠷纖瘦，一臉稚氣十足「花美男」；至於15歲的細女曹曦文亦不輸阿哥，同樣留長髮和高瘦身形，已經高過阿媽同阿爸「平頭」一樣咁高，兼且四口子同是巴掌臉超高顏值，兩兄妹不愧為姜大衛與李琳琳的外孫仔女。
阿廉早前一家四口到北京旅行，在社交網上載影片賀國慶，一家四口齊齊在天安門舉拇指，留言相約2049建國一百周年，再一齊去北京：「2049年我85歲喇，希望到時仲可以同屋企人再嚟北京。嗰陣你幾多歲？仲會唔會嚟赴呢場百年之約？」
