區瑞強（Albert）將於11月在伊利沙伯體育館舉行《區瑞強 經典．傳承 演唱會》，Albert今日（13日）舉行記者會，鄭國江、鄭子誠、吳大強、占士丁丁、麥潤壽出席。
Albert表示這次演唱會以經典及傳承做主題，希望除了傳承他的個人作品外，還有其他歌手的經典金曲，包括由鄭國江為陳百強填詞的作品，「陳百強嘅歌近年愈嚟愈hit，愈嚟愈多人翻唱，愈嚟愈多人鍾意，甚至有啲年青一代都會識唱，所以我邀請咗陳百強歌迷會，一齊嚟支持。」鄭國江送贈字畫作慈善拍賣，籌得款項將捐給慈善機構，鄭老師說：「我用咗《漣漪》同《喝采》呢兩首歌做主題，好開心咁多年後呢啲作品仍然咁多人鍾意。」
演唱會另一個部份，是重溫電台歲月，Albert邀請了鄭子誠、周國豐、麥潤壽幾位DJ一齊演出。Albert說：「我哋4個主持嘅電台時間，真係冇人能及，合計差唔多接近200年，最少嗰個已經係周國豐，麥潤壽唔使講，好出名做咗幾十年，而鄭子誠仲係做緊，有名嘅『靚聲王』主持，我就係做得最耐，做咗接近50年，我哋各有風格，希望能夠同大家重溫電台歲月嘅情懷。」
Albert有感近年唱英文的歌手愈來愈少，因而特別邀請吳大強與占士丁丁參與演出，三人將會大唱經典英文歌，「英文歌喺音樂界都要傳承，依家喺香港愈嚟愈少，可能能力或者情懷問題，但香港資深嘅樂迷，40歲以上好多都係聽英文歌大，以前直情係冇廣東歌，所以英文歌真係好重要，所以今次有一部份係集中唱呢啲經典英文歌，我搵咗兩個拍檔一齊演繹。」三人更即場演繹經典英文金曲《You Raise Me Up》。
更多現場圖輯：
