「農夫」陸永與鄭詩君（C君）夥拍胡敏芝（Karen）主持的旅遊節目《旅行最緊要近》今晚（5日）首播，節目中C君講到今趟構思的由來，他說︰「最近睇咗蔡瀾先生嘅訪問，獲益良多。佢話人要有修養就要多做兩樣嘢，多讀書、多旅行。我當然想多旅行啦，但無咁多假期，惟有去啲近啲地方，所以旅行最緊要近，一個禮拜六、日即刻去玩下、食下、歎下。」就好似今集目的地，從香港出發只花了一小時便到達的廣州。搭乘全能觀光巴士，車內既提供飲食又有歌聽，途經全廣州標誌性建築物。
期間Karen被連番取笑，當三人到訪一間格調高雅，主打黑膠碟及威士忌的Jazz吧，Karen問到此行是否想替她培養品味？但C君毫不避諱說︰「以你品味嘅程度，唔能夠稱得上醞釀，你係一個品味胚胎，應該逢禮拜六嚟品味一下。」C君教各人品嚐威士忌，他為陸永點了一款略帶甜易入口的威士忌︰「呢一隻我喺『子華神』（黃子華）屋企飲過，勁得嚟唔係好辣。」他又教Karen假如見到綠色樽的威士忌，該款酒好大機會帶「醫院味」。
節目最後一站三人介紹一間天花板級數的按摩水療店，設施可媲美5星級酒店，美食及飲品更是無限量供應，適合一日快閃酒店都不想訂的人士。不過Karen繼被形容為「胚胎」後再度出事。當調酒師搖動搖酒器時，她脫口而出說︰「好有架勢呀。」身旁的農夫展示難以置信的表情，更被C君取笑她用詞例牌，他說︰「所有嘢你都要有一個最『行』嘅形容，其實你先至係『行姐』呀，大佬。」
Karen被取笑後受訪說︰「咁點都有小小壓力嘅，不過佢哋好好人係好好嘅前輩，會同我講點樣做會好啲提點我！反而係佢哋太搞笑，笑到我成日都講唔到嘢。」
