張德蘭昨日（15日）為下月30日舉行的首個紅館個唱，到深圳試衫時意外跌倒受傷，左肩首先撞地，當場痛楚難當，回港經醫生診斷後，證實左膊骨裂兼甩骹，需入院接受復骹手術。
監製楊紹鴻今日在社交網貼上張德蘭入手術室及術後留院休息的照片，並交代她最新情況，指張德蘭已於昨晚接受手術，原則上並無大礙，不影響演唱會。他在帖文中表示：「德蘭多謝大家嘅問候，昨晚佢已經做咗一個小手術，原則上冇乜大礙，只不過隻手暫時不能過分郁動，大約一個月後就會冇事，所以唔會影響佢嘅演唱會，各位唔需要擔心！」
