由
洪永城、陳懿德、甄敏芳主持的玄學競賽節目《玄戰》，昨晚（31日）首播，4位參賽者「婆婆」、June、阿嵐及Noa進行首輪競賽，要回答了兩條指定問題——外景題及嘉賓題。
陳展鵬擔任出題嘉賓，他首度公開了一件只有他和太太知道的秘密，題目為：「2021年發生咗一件事，呢件事對於我人生嚟講係好大嘅挑戰，究竟係發生咗咩事？同埋呢件事處理好未？」原來展鵬於2019至2020年期間，曾洽談了一份高達八位數字酬勞嘅代言宣傳合約，及後因為疫情關係，展鵬最終不用完整執行合約中內容……雖然合約沒有註明展鵬需為此賠錢，但為了道義，他決定將之前已收的三份之二的酬金，分五年歸還給客戶。展鵬透露當時未能馬上退還酬金的原因，「我攞咗筆錢買咗第一層樓俾我媽咪，其實我好想將呢筆錢俾番對方，我同佢講，不如俾五年時間我，慢慢去將呢三份二嘅報酬俾番佢。」最終，展鵬已成功清還款項。
4位參賽者中，「婆婆」、阿嵐及June均準確點出展鵬的核心問題與合約及金錢有關，阿嵐還確切地提到「義氣」兩字，在評審心目中留下深刻印象，麥玲玲激讚：「義氣呢個位擊得好中！」最終，一支獨秀的阿嵐在兩個回合中，以總成績272分（滿分300分）拋離第2名的「婆婆」（總分：261分），雙雙晉級下一輪賽事。
更多圖輯：
