尹光早前（8月23日）82歲生日，他昨日（1日）在社交網發片分享今年的「生日驚喜」，留言：「要講到今年生日最大驚喜，就梗係俾我撞到發哥啦！佢仲叫我多啲運動添，下次跑步叫埋我啊！生日遇發哥，開心笑呵呵！」
尹光上載的片段，正是發哥勸喻他多做運動：「唔好成日坐，坐得多好多病。」跟住發哥教他如何開始跑：「你5分鐘得嘅下次咪10分鐘，你搵日跑到半個鐘頭就OK。」嚇得尹光大聲說：「半個鐘好耐㗎！」發哥就叫教他無論何時何地，就算在室內也可以走來走去。
今個生日，尹光之前還在茶坐餐碰到許志安和鄭秀文兩公婆，又有公司同事、「阿女」李蘊、「阿仔」方力申等各自跟他慶生，原來連發哥都給他碰個正着，還教他做運動，超級好運。
