《愛．回家之開心速遞》今晚（22日）播出的2856集「真的嫁給你」，將會投送超級震撼彈，在無綫官方社交網今日發布的「搶先睇」精華，Bonnie（林凱恩飾）不知為何與牙斬斬（蔡康年飾）行禮結婚，且全程神情哀傷兼表現抗拒，就在牙斬斬準備吻向Bonnie一刻，金城安（周嘉洛飾）殺到將Bonnie拉離牙斬斬，並因用力過度意外與「跌入懷中」的Bonnie上演了「安Bon世紀之吻2.0」，瞬間掀起洶湧群情！對於「安Bon CP」繼2017年12月「初吻」後、相隔9年終於再度上演世紀之吻，網民大感振奮，紛紛留言狂嗌安Bon復合。
安Bon相隔9年再次奉上世紀之吻，林凱恩受訪時笑言：「多謝網民同埋支持我哋嘅人啦！」嘉洛：「好得意㗎，講番個心態變化先，我記得我熒幕初吻係畀咗你（指林凱恩）嘅，拍嗰幕時我記得我係好緊張嘅，咁就事隔十年。」林凱恩聞言即反駁：「冇咁多！9年啫，都感激仲有嘉洛哥喺我身邊，嗰種感覺係好戰友，而且大家都有成長。」能如此清楚記得相隔9年，證明「安Bon之吻」對林凱恩來說別具意義。
再問安Bon復合可能性，林凱恩笑言：「我著住呢件婚紗喺度行時，已經有超過十個人問我『你同邊個結婚呀？』我都反問番佢哋『你覺得呢？』」嘉洛仔則似有弦外之音謂：「我個人就唔想拆散你同蔥頭嘅，安仔同Bonnie個關係都幾好吖，唔一定要長相廝守，可以係互相守護，我覺得呢件事係靚嘅。」
根據官方資料，今晚一集劇情講述蔥頭（丘梓謙飾）原本打算向Bonnie求婚，但陰差陽錯下不但失去「結婚權」，更面臨終身監禁危機。
