《Jason Chan Live in Frames 20週年演唱會》在紅館舉行，昨晚（20日）尾場適逢是陳柏宇正日43歲生日，Jason兩個女兒上台送上生日卡兼大唱生日歌，長女Abi同時寫下「I want a dog」的訴求，Jason立即在台上教女，要求她們學識關心自己和他人，以及有足夠整潔才會讓她們養狗。跟女兒講完道理後，再問妹妹Audrey想不想養狗時，家姐Abi雖然瘋狂在旁幫口say yes，但三晚都未曾開聲的Audrey竟首度開金口回應：「我唔想！」
與Jason相識了20年的農夫擔任表演嘉賓，一同合唱《魔法戰隊》，及後更將Jason的網絡節目《廣偉論》搬上紅館舞台，討論「一人一個演唱會請嘉賓的意義」。事前Jason已在網上收集意見，其中有人留言指「可能某啲歌手技癢，想唱下歌俾人聽，但又唔想開成場演唱會。」陸永即表示：「唔係唔想開成個演唱會，係開唔成個演唱會。」又有網民指「同來賓喺舞台上尷尬互動，浪費大家時間。」農夫即時大嗌多謝，陸永更搞笑道：「其他來賓嘅互動尷唔尷尬我唔知，呢一個，一定尷尬。」另有網民表示是「俾你去屙篤尿先。」C君接力搞笑道：「可能見到我哋出嚟就想去廁所，不如試一次全場走晒去，得返我哋喺度，跟住我哋出完嚟，大家就可以入返嚟。」然後一起再合唱《我連婚都夠膽結》，唱盡他們對婚姻的一套「廣偉論」。
本來已經落台的農夫，突然帶同蛋糕再上台為Jason慶生，帶領全場一起唱生日歌，粉絲亦早已夾定要送Jason一份驚喜，坐在山頂的觀眾一同舉起紙牌，砌出「CKW I♡U」字樣。Jason得到連環驚喜後表示：「真係勁！多謝，我係咁話我知有呢壇嘢，但我真係好 Surprise，因為喺我腦裏面係冇咗，幾個禮拜前問我，我話一定有（驚喜），但跟住我就忘記咗。」
去到尾聲，Jason唱出表達他對樂迷感謝的《沒有你，我甚麼都不是》時，聽到現場一起大合唱，他因感動而哽咽，落台前，向樂迷深深鞠躬，又凝視着台下每一張臉孔。安哥時，Jason賣大包，連唱《Espresso先生》、《萬中無一》、《七折》、《有我》等歌，唱到最後一句歌詞，Jason 更眼濕濕，然後依依不捨地離開舞台。
更多現場圖輯：
