《飛常日誌II》今晚（26日）迎來大結局，昨晚（25日）一集關鍵劇情，是機場無人駕駛列車因斷電停駛，冷氣系統亦停止運作，楊尚偉（馬國明飾）、Captain K（朱敏瀚飾）、Chloe（郭柏妍飾）、張穎（戴祖儀飾）與多名旅客受困，其中一名老伯伯突然心臟不適，情況危急，楊尚偉於是孭住伯伯，帶領旅客沿緊急通道步行離開隧道。
馬明這場戲既考耐力又考體力，因為主要在凌晨拍攝，兼孭住伯伯兩個鐘，獲監製陳耀全（Andy）大讚：「佢好take care伯伯，無論孭起伯伯、或者放低伯伯，佢都好小心翼翼、好識照顧老人家，『絕世好男人』呢個朵佢當之無愧。」據知，為了令伯伯舒適點，劇組還特意安排專車接送伯伯往返拍攝現場，相當暖心。Andy續指為了令馬明拍攝時不至於太吃力，Casting伯伯演員時花了不少時間：「除咗要搵身體情況良好嘅伯伯，仲想搵個瘦同輕嘅。」
今晚一集大結局，除了馬明，朱仔為了幫助劇中行動不便的游嘉欣（游游）離開隧道、盡快趕上航班，要長時間孭着游游之餘、更要背着她步行極多級樓梯，而朱仔不但冇氣喘，還能順暢地唸出一堆對白。除了「神力朱」值得期待，游游心心眼爬上朱仔雄厚背肌，「神還原」當年消防員英雄救美經典洗版圖一幕亦相當過癮。據知，由於朱仔孭了游游走上走落、行出行入足足數小時，故排練最後一個鏡頭時，竟不以為然地將游游「掟落地」，引發全場爆笑，監製Andy笑言：「我忍唔住嗌cut同問朱仔，你作為一個男仔，可唔可以對女仔溫柔啲？」
不過游游體諒說：「其實朱仔拍呢場戲好辛苦，佢嗰時咁啱隻腳靭帶斷咗，但又要孭我又要上樓梯，我記得嗰晚佢行嗰趟樓梯至少行咗十幾廿次，係真係出晒汗，因為嗰條樓梯其實好窄，拍攝上要就好多嘢，同埋條樓梯係有啲焗。跟住出到去地面要放低我嗰幕，其實嗰吓因為佢隻腳傷咗，佢孭住我再踎低放低我其實係有難度嘅，而佢放低我之後，我為咗配合角色行動不便嘅設定，我係需要多幾秒去用對手撐住自己，但因為佢真係再多一秒都撐唔到，冇等我做好晒個動作就放咗手，變相我就成個人跌低咗。最搞笑係，大家見面嘅畫面係，佢捉住我隻腳，但我個人又喺地下爬緊，諗番起都好搞笑。」、「嗰日真係辛苦佢，我感受到佢隻腳真係好痛好痛。」
今晚一集則會交代一眾角色的感情線，除了之前提及的戴祖儀張馳豪「太后奴才CP」，在劇中已是公認一對的洪永城及高海寧（高Ling），將因為高Ling再度調職虹橋機場而面臨極大考驗，還有劉穎鏇最終會情歸朱仔還是周嘉洛？對前妻一直未忘懷的馬國明，最後又能否「反客為主」等。
今晚馬國明、劉穎鏇、戴祖儀、郭柏妍、周嘉洛、朱敏瀚、洪永城、吳偉豪、張馳豪、鍾柔美、徐榮、倪樂琳、梁凱晴等，將齊集香港國際機場一號客運大樓接機大堂A區與觀眾齊齊收睇大結局外，戴祖儀和洪永城等，今日都在社交網上載他們在機場拍攝時的瘋狂玩嘢片段，留言表示今晚就大結局，大家會否像他們一樣不捨。
