MIRROR成員姜濤、盧瀚霆（Anson Lo）、呂爵安（Edan）、李駿傑（Jeremy）今日（23日）出席新節目《呂濤米Lo Seoul》記者會。Edan日前直播時，大讚緋聞女友林明禎係好女仔，又指她對自己十分重要，他表示做直播是想做返自己，「想搵返嗰個咩都唔驚、亂講嘢、做自己認為啱嘅嘢嘅Edan。」他表示提到林明禎是因為曾經公開想追求她，自此有好多聲音及惡意攻擊，令他覺得好迷失，所以選擇勇敢去表達，盡力保護對方。Edan提到會找Anson Lo傾訴心事，Anson Lo指自己是樹窿，偏向聽多過講。
姜濤日前出席海洋公園「家姐細佬後援會成立典禮」，被影到當工作人員講解時，他在旁表示「好想瞓覺」，隨即被網民指其不尊重場合，姜濤回應事件，他表示當時正在講解大熊貓好喜歡瞓覺，而當刻大熊貓亦正在瞓覺，「見到佢瞓我都幾想瞓，我以後唔講啦，對唔住，所以今日都無打喊露。」姜濤表示以後會講相反的說話，「精神，我而家好精神。」另外，有指參與活動的幾乎全部都是他與陳卓賢的粉絲，齊齊舉起兩人的名牌，令大熊貓變成配角，姜濤回應：「呢個都有得講？對唔住囉」，他表示自己唔會搶到鏡，「嗰日見到啲人入去淨係影大熊貓」。
Jeremy作曲的《Tie Me Now》被指抄襲韓國男團StrayKids歌曲《Red Light》，昨晚推出全新的intense version，又把早前被指抄襲的版本下架，Jeremy指是經理人團隊、音樂團隊、包括監製王雙駿及編曲人To Lee的共同決定，他坦承不開心，因為希望坦然地面對自己的音樂、自己的舞台，不想以後在舞台表演這首歌時會有遲疑。他承認有聽過《Red Light》，但聽過並不代表要抄襲，希望隨着推出新版本，爭拗可以減退，「大家可以着重我嘅作品，欣賞我係一個點樣嘅藝人，我一直都想做一個Jeremy式嘅音樂。」
更多現場圖輯：
