無綫戀愛綜藝真人騷《女神配對計劃》昨晚（8日）播出首集之後，成為網上談論焦點的，除了葉蒨文與曾展望這對「愛回家CP」之外，還有李芷晴（Stephanie/Step）被周嘉全告白。之前在《花生搶先看》預熱節目中，入行超過10年的藝員周嘉全透露曾送畫向Step表白，昨晚展示了當年送給芷晴的素描畫作，並真誠示愛：「以前我遇到真心鍾意嘅女仔，我都淨係識得送幅畫俾佢……就算送完俾佢，我都唔夠膽承認自己鍾意佢。希望以後唔止係畫畫，想將時間同心機所有嘢都送俾佢。」
李芷晴表情迷茫，她坦言從來沒有想過周嘉全喜歡自己：「佢不嬲有畫開畫，而佢送俾我之前，有畫咗幅男仔畫俾阿Ben（袁偉豪）嘅。」周嘉全被問到為何送畫一刻不立即向Step表白？他說：「我係喺港鐵站俾佢嘅，我俾完佢傾咗陣偈後，佢就話『我準備搵男朋友喇』，我之後就冇諗其他嘢喇。」然後續說：「其實揀唔揀我，我一直都會咁欣賞你，而且我會相信你選擇幸福嘅能力。」同場的葉蒨文與關嘉敏被感動至眼紅紅，葉蒨文說：「我覺得佢好真心、好長情、好溫柔。」Step則全程心大心細、不知所措，掙扎了一大輪後，最終還是沒有選擇嘉全；事後Step哽咽：「我真係完全冇諗過佢對我係有意思，所以就會變咗好混亂……可能俾多幾秒我，我就會撳咗，依家都少少後悔。」
周嘉全送給李芷晴的人像素描，於2022年5月21日上載在他的社交平台，寫道：「畫得似唔似 其實第五波閉關期間搵左個frd試筆 重拾畫筆嘅感覺真好 #真人話本身副相都唔似佢」，他同時上載一幅李芷晴的照片，原來該幅素描是根據照片所繪。節目播出後，雖然周嘉全的表白，未畀李芷晴接受，但仍得到許多藝員好友及網民為他打氣。
更多節目圖輯:
更多周嘉全圖輯:
部份圖片來源：周嘉全@facebook
