中央最新送贈香港的兩隻大熊貓安安和可可周日（8日）在海洋公園首度登場跟公眾見面，園方連日貼上兩隻大熊貓的帖文作宣傳，至昨日才貼出多張龍鳳胎家姐和細佬的甫士照，令一日不見如隔三秋的契爸契媽滿心歡喜，彌補有幾日未能與家姐和細佬見面之苦。
正如園方小編話齋：「我哋嘅家姐細佬係最可愛嘅！」甫士王一出，誰與爭鋒，細佬排頭位第一張甫士相已超級吸睛，跟着還有比大家的證件相更四正的「坐定定喺度，乜都唔使做」、被媽媽盈盈擁在懷裏舔舔錫錫和圓碌碌似個波的背影照；家姐的「頭搖又尾攞，飄移境界」、震驚伸脷照也毫不輸蝕給細佬。
龍鳳胎可愛照搞到網民嗌晒「救命呀」、「可愛到極點」、「家姐同細佬真係得意到爆曬燈」，更指：「日日唔同樣，小編點捨得唔日日update㗎」！
